Yunanıstan son 11 ilin ən böyük hərbi büdcəsini qəbul edib

Yunanıstan, koronavirus pandemiyası səbəbilə iqtisadiyyatındakı kiçilməyə baxmayaraq, son 11 ilin ən böyük hərbi büdcəsini qəbul edib.

“Report” “Anadolu”ya istinadən xəbər verir ki, ölkə parlamenti 2021-ci il üçün 5,49 milyard avro məbləğində hərbi büdcəni təsdiqləyib.

Bu vəsaitin 2,5 milyardı silahlanmaya sərf olunacaq.

Yunanıstanın 2020-ci il üçün hərbi büdcəsi 3,97 milyard avro olub. Bu vəsaitin 540 milyon 692 min avrosu silahlanmaya xərclənib.