Yuxarı
    Bağlamaq

    Yunanıstan parlamenti maliyyə yardımına dair sazişi təsdiqləyib

    Qərar vergilərin artırılması və təqaüd yaşının qaldırılması kimi tədbirləri də nəzərdə tutur

    Bakı. 16 iyul. REPORT.AZ/ Yunanıstan millət vəkilləri üçüncü yardım paketini almaq üçün tələb olunan iqtisadi islahatlar qərarını təsdiq ediblər.

    "Report"un BBC-yə istinadən verdiyi xəbərə görə, növbəti 3 il ərzində 86 milyard avro məbləğində yardım paketini almaq istəyən Afina sərt qənaət tədbirlərinə əməl edəcək.

    Yunanıstanla kreditorlar arasında əldə olunmuş razılaşma, o cümlədən, vergilərin artırılması və təqaüd yaşının 67-yə qaldırılmasını nəzərdə tutur.

    Hökumət başçısı Aleksis Tsipras bu sənədin Yunanıstana avrozonada qalmağa imkan verəcəyini də diqqətə çatdırıb.

    O deyib: “Mən yol verilən səhvlərə görə məsuliyyəti öz üzərimə götürürəm. İnanmadığım bu sənədi imzalamaqda məsuliyyət mənim üzərimə düşür. Lakin mən onu həyata keçirməyə borcluyam və öz məsuliyyətimdən yayınmaq fikrində deyiləm”.

    Qeyd edək ki, Avroqrup bu gün Yunanıstan böhranını müzakirə edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi