NATO ölkələri 2024-cü ildə 2 milyon 155 millimetrlik artilleriya mərmisi istehsal etməyi, 2025-ci ildə isə bu növ sursatların istehsalını 3 milyona çatdırmağı planlaşdırır.
“Report” TASS-a istinadən xəbər verir ki, bu barədə “Semafor” portalına NATO-nun yüksək rütbəli rəsmisi bildirib.
O qeyd edib ki, bu istehsal həcmi kifayət deyil, lakin böyük artımdır. Onun sözlərinə görə, məqsəd istehsal baxımından təkcə Rusiyanı üstələmək deyil, həm də Ukrayna üçün zəruri olan istehsalı həyata keçirməkdir.
Məlumata görə, NATO ölkələri Çin istehsalı olan ikili təyinatlı komponentlərdən asılılığı azaltmaq istədikləri üçün öz sursat istehsalını artırmağa çalışırlar.