Yeni Zelandiya Putinin qohumları daxil olmaqla 19 Rusiya vətəndaşına sanksiya tətbiq edib

Yeni Zelandiya Rusiyanın bir sıra federal nazirlərinə, Təhlükəsizlik Şurasının qeyri-daimi üzvlərinə və Rusiya Prezidenti Vladimir Putinin qohumlarına qarşı yeni sanksiyalar tətbiq edib.

"Report" TASS-a istinadən xəbər verir ki, bu barədə ölkənin Xarici İşlər Nazirliyinin yaydığı məlumatda deyilir.

Yeni Zelandiyanın xarici işlər naziri Nanaia Mahutan ümumilikdə 19 rusiya vətəndaşına qarşı sanksiyaların tətbiq olunduğunu açıqlayıb.

Onun sözlərinə görə, siyahıda Çeçenistan rəhbəri Ramzan Kadırovun da adı var.