Hindistanın paytaxtı Yeni Delhidə və onun ətrafında azı səkkiz məktəb elektron poçt vasitəsilə bomba hədəsi aldıqdan sonra təxliyə edilib.
“Report” xəbər verir ki, bu barədə NDTV kanalı məlumat yayıb.
Mayın 1-də imtahan keçirilməli olan “Məryəm Ana” məktəbi daxil olmaqla, Yeni Delhidəki bir neçə məktəbə partlayış təhlükəsi barədə ilk ismarışlar göndərilib .
Daha sonra Noydedə yerləşən məktəblər daxil olmaqla bir sıra təhsil müəssisələrinə partlayıcı qurğuların yerləşdirildiyi barədə məlumat daxil olub.