Yuxarı
    Bağlamaq

    Yəməndə vətəndaş müharibəsi nəticəsində 9 min nəfər həlak olub

    Daha 5 778 nəfər yaralanıb

    Bakı. 18 mart. REPORT.AZ/ Yəməndə vətəndaş müharibəsinin davam etdiyi bir il ərzində təxminən 9 min nəfər həlak olub.

    "Report" "RİA Novosti"yə istinadən xəbər verir ki, bu barədə BMT-nin İnsan Haqları üzrə Ali Komissarının Aparatının mətbuat katibi Rupert Kolvill keçirdiyi brifinqdə məlumat verib.

    "Münaqişənin başladığı bir il əvvəldən indiyə qədər BMT-nin insan haqları üzrə ofisi təxminən 9 min ölüm halını qeydə alıb. Onlar arasında 3 218 nəfər mülki şəxs olub. Daha 5 778 nəfər yaralanıb. Bu rəqəmlər 2015-ci il martın 26-dan bu il martın 17-nə qədər olan müddət üçündür", - deyə o bildirib.

    R.Kolvillin sözlərinə görə, əldə edilən məlumatlara əsasən, Səudiyyə Ərəbistanının başçılıq etdiyi koalisiya qurbanların yarıdan çoxunun ölümünə görə məsuliyyət daşıyır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi