Yəməndə 21 husi döyüşçüsü öldürülüb

Bakı. 13 iyul. REPORT.AZ/ Yəmənin Dali və Beyda şəhərlərində hökumət qüvvələri ilə husilər arasında baş verən silahlı toqquşmalarda 21 silahlı öldürülüb.

"Report" "Anadolu" agentliyinə istinadən xəbər verir ki, bu barədə "26sepnews.net" saytı məlumat yayıb.

Bildirilir ki, husilər Dalinin şimalına hücumunun qarşısı hərbçilər tərəfindən alınıb. Atışma zamanı 13 husi döyüşçüsü öldürülüb. 

Beyda şəhərində isə hərbçilərin husilərə qurduğu pusqu zamanı daha 8 husi öldürülüb. Beydada husilərlə hökumət qüvvələri arasında döyüşlər 2015-ci ildən davam edir.