Yəmən üsyançıları bir gündə ərəb koalisiyasının iki təyyarəsini vurublar

Bakı. 9 yanvar. REPORT.AZ/ Yəməndə üsyançı husilər bir gün ərzində Səudiyyə Ərəbistanının başçılıq etdiyi koalisiya qüvvələrinin iki qırıcı təyyarəsini vurublar.

“Report” xəbər verir ki, bu barədə İranın IRNA agentliyi məlumat yayıb.

Birinci təyyarə ölkənin şimal-qərbində vurulan "Tornado" bombardımançısı, ikinci isə paytaxt Səna üzərində məhv edilən dördüncü nəsil "F-15" qırıcısı olub.

Onlar yer-hava sinifli raketlərin köməkliyi ilə məhv edilib.