Yaşar Gülər ilk dəfə israilli həmkarı ilə danışıb, tərəflər qarşılıqlı əməkdaşlığı müzakirə ediblər

İsrailin müdafiə naziri Yoav Qalant türkiyəli həmkarı Yaşar Gülərlə telefonla danışıb.

“Report” xəbər verir ki, bu barədə Y.Qalant tviterdə yazıb.

O bildirib ki, tərəflər qarşılıqlı əməkdaşlığı müzakirə ediblər.

Y.Qalant qeyd edib ki, iki ölkə arasında münasibətlərin möhkəmləndirilməsi ümumi strateji maraqlara xidmət edir: “Bu əməkdaşlıq Yaxın Şərqdə sabitliyə töhfə verəcək”.

Xatırladaq ki, bu, Y.Gülərin Türkiyənin milli müdafiə naziri təyin olunmasından sonra Y.Qalantla ilk telefon danışığıdır.