Yaponiyada güclü qar səbəbindən yüzlərlə qatar səfərləri və aviareys təxirə salınıb

Yaponiyanın şimalında davam edən güclü qar qatar səfərləri və avisreyslərin kütləvi şəkildə təxirə salınmasına səbəb olub.

“Report” xəbər verir ki, bu barədə “NHK” telekanalı məlumat yayıb.

Ölkədə ən azı 597 ekspress uçuş da daxil olmaqla 1 000-dən çox müxtəlif qatar səfəri ümumilikdə ləğv edilib. Güclü qar nəticəsində aviaşirkətlər Yaponiya daxilində 132-yə yaxın aviareysi təxirə salıb.

Sinoptiklər xəbərdarlıq edir ki, 40 m/s-dək güclü küləklə müşayiət olunan qar yağışı daha bir neçə gün davam edəcək. Bəzi ərazilərdə gündəlik qarın hündürlüyü 80 sm-ə çatacaq.