Yaponiyada vertolyot qəzası nəticəsində ölənlərin sayı 9-a çatıb

Bakı. 6 mart. REPORT.AZ/ Yaponiyanın Naqano prefekturasında qəzaya uğramış vertolyotun qalıqları altından xilaskarlar daha 6 nəfərin cəsədi çıxarılıb.

"Report" "TASS"a istinadən xəbər verir ki, bu barədə yerli polis bildirib.

Polisin məlumatında qeyd edilir ki, daha 3 nəfərin cəsədi dünən vertolyotun göyərtəsində aşkarlanıb. Qeyd edək ki, Yaponiyanın prefektural xilasetmə xidmətinin "Bell 412" helikopteri ötən bazar günü qəzaya uğrayıb. Bildirilir ki, işçilər insanların xilası üçün məşq hərəkətləri zamanı hava maşını ilə əlaqə kəsilib.

Hadisə zamanı bölgədə günəşli və küləksiz hava mövcud olub.