Yuxarı
    Bağlamaq

    Yaponiyada seçkilərlə bağlı kampaniyaya start verildi

    Ekspertlər qələbəni birmənali olaraq hazırda hakimiyyətdə olan Liberal-Demokratik Partiyaya verirlər

    Bakı. 2 dekabr. REPORT.AZ/ Yaponiya parlamentinin aşağı palatasına dekabrın 14-nə təyin edilmiş seçkilərlə bağlı kampaniyaya dekabrın 2-də rəsmi olaraq start verildi.

    "Report"un RİA Novosti agentliyinə istinadən verdiyi xəbərə görə, ekspertlər qələbəni birmənali olaraq hazırda hakimiyyətdə olan Liberal-Demokratik Partiyaya verirlər.

    Qeyd edək ki, məhz qalib partiyanin təklifi ilə Yaponiyada yeni Baş nazir seçilir.

    Bu isə böyük ehtimalla yenə də Liberal-Demokratik Partiyanın lideri, hazrkı hökumət başçısı Sindzo Abe olacaq.

    Noyabrın 21-də aşağı palata imperator Akixitonun sərəncamı ilə buraxılmışdı.

    Baş nazir Sindzo Abe Yaponiyada iqtisadi problemlər yarandığını vurğulamışdı: “Mənfi iqtisadi göstəricilərlə əlaqədar istehlak vergisinin gələn il nəzərdə tutulduğu həcmdə - 8%-dən 10%-ə artırılması qeyri-müəyyən müddətə təxirə salınır”.

    O əlavə etmişdi ki, üçüncü rübdə ümumi daxili məhsul istehsalı ötən ilin uyğun dövrü ilə müqayisədə 1,6% azalıb.

    Yaponiyada son parlament seçkisi 2012-ci ilin dekabrında keçirilib. Həmin seçkidə Sindzo Abenin rəhbərlik etdiyi Liberal Demokrat Partiyası qalib gəlib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi