Yuxarı
    Bağlamaq

    Yaponiyada "Layonrok" qasırğası 9 nəfərin həyatına son qoyub

    Təbii fəlakət səbəbindən 110-dan çox daxili aviareys, məktəblərdə dərslər təxirə salınıb

    Bakı. 31 avqust. REPORT.AZ/ Yaponiyanın İvate prefekturasının "Layonrok" qasırğası səbəbindən su basmış İvaidzumi şəhərindəki qocalar evində 9 təqaüdçünün meyiti tapılıb.

    "Report" "TASS" agentliyinə istinadən xəbər verir ki, bu barədə prefektura polisi məlumat yayıb.

    Qocalar evində dünyasını dəyişmiş şəxslərin ölüm səbəbi hələlik açıqlanmır. Hadisə yerində hüquq-mühafizə orqanlarının əməkdaşları işləyir.

    Bundan əvvəl məlum olub ki, təbii fəlakət zamanı su basmış qonşu Kudzi şəhərində də bir qadının cəsədi tapılıb.

    Ümumilikdə "Layonrok" qasırğası səbəbindən 110-dan çox daxili aviareys, yüzlərlə məktəbdə dərs təxirə salınıb. Eyni zamanda yerli sakinlər təxliyə olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi