Vens: ABŞ 100 gün ərzində Ukrayna üzrə birbaşa danışıqlar təşkil etmək niyyətindədir

ABŞ yaxın 100 gün ərzində Rusiya-Ukrayna münaqişəsinin tərəfləri arasında birbaşa danışıqlar təşkil etmək niyyətindədir.

“Report”un məlumatına görə, bu barədə ABŞ-nin vitse-prezidenti Ceyms Devid Vens “Fox News”a müsahibəsində bildirib.

“Bizim sülh təklifimiz var və qarşıdakı 100 gün ərzində tərəfləri danışıqlar masasına oturtmaq üçün çox çalışacağıq”, - o deyib.

Eyni zamanda Vens qeyd edib ki, Moskva və Kiyevin mövqelərini bir-birinə yaxınlaşdırmaq üçün iş görülməlidir, çünki rusiyalıların istədikləri ilə ukraynalıların istədikləri arasında çox böyük fərq var.