Venesuelanın paytaxtında etirazlar zamanı atəş səsləri eşidilib

Venesuelanın paytaxtı Karakasda etirazlar zamanı atəş səsləri eşidilib.

“Report” xəbər verir ki, bu barədə NTN24 telekanalı “X” sosial şəbəkəsində məlumat yayıb. Yayımlanan videoda atəş səsləri eşidilir.

Jurnalistlər etirazçılara mülki geyimdə naməlum şəxslər tərəfindən atəş açıldığını iddia edirlər.

Polis və milli qvardiya nümayişçilərin Prezident sarayına yolunu bağlayıb və gözyaşardıcı qazdan istifadə edib.

“El Nacional”ın məlumatına görə, etirazçılar polislərə daş, çubuq və yandırıcı mayenin olduğu butulkalar atıblar, polis buna cavab olaraq gözyaşardıcı qaz tətbiq edib.