Venesuelada baş verən iğtişaşlar zamanı 25 nəfər ölüb

Venesuelada prezident seçkilərindən sonra baş verən iğtişaşlar zamanı ikisi Milli Qvardiyanın üzvü olmaqla azı 25 nəfər ölüb.

“Report” xəbər verir ki, bu barədə ölkənin baş prokuroru Tarek Uilyam Saab məlumat verib.

Onun sözlərinə görə, iyulun 29 və 30-da baş vermiş zorakılıq dalğası təhlükəsizlik güclərindən möhkəm və qəti tədbirlər tələb edib:

“Lakin bu müddət ərzində cinayətkarlar və terrorçular elə vəhşiliklə hərəkət etdilər ki, təəssüflər olsun ki, Araqua və Nueva-Esparta ştatlarında Milli Qvardiyanın iki üzvü də daxil olmaqla 25 nəfər həlak olub”.