Venesuelada 2003-cü ildən bəri ilk valyutadəyişmə məntəqəsi açılıb

Bakı. 1 mart. REPORT.AZ/ Venesuela Mərkəzi Bankı mərkəzi ofisində iki valyutadəyişmə məntəqəsi açıb.

Bu barədə "Report" "Kommersant"a istinadən xəbər verir.

Ölkədə 2003-cü ildən bəri heç bir qanuni valyuta mübadiləsi mənqəsi fəaliyyət göstərməyib.

Qeyd olunur ki, gələn həftə Venesuelanın digər bölgələrində də rəsmi valyutadəyişmə məntəqələri açılacaq.

Venesuela ərazisində ümumilikdə 300-dən çox mübadilə məntəqəsi açılacaq. Dollar və avro alqı-satqısı Venesuela Mərkəzi Bankı tərəfindən müəyyən edilmiş məzənnə ilə həyata keçiriləcək.

Qeyd edək ki, 2003-cü ildən 2018-ci ilədək ölkə vətəndaşları üçün valyuta mübadiləsi məhdudlaşdırılmışdı və qanunsuz mübadilə isə cinayət əməli hesab edilirdi.