Vatikan Papanın vəziyyətinin yaxşılaşdığını bildirib

Xəstəxanada ikitərəfli pnevmoniyadan müalicə olunan Papa Fransiskin vəziyyəti son 24 saat ərzində yaxşılaşsa da, həkimlər hələ də hər hansı proqnoz verməkdən çəkinirlər.

“Report” xəbər verir ki, bu barədə Müqəddəs Taxt-Tacın mətbuat xidməti məlumat yayıb.

Qeyd olunub ki, 88 yaşlı pontifik günün birinci yarısını müxtəlif tibbi proseduralardan keçir, günortadan sonra 10-cu mərtəbədəki şəxsi iqamətgahının ibadətgahında dualar edir və sonra iş fəaliyyətini davam etdirir.

Xatırladaq ki, fevralın 14-dən etibarən Romadakı “Gemelli” xəstəxanasına yerləşdirilən 88 yaşlı Fransiskə polimikrob infeksiyası və ikitərəfli pnevmoniya diaqnozu qoyulub.