Yuxarı

​Ukrayna XİN: Rusiya Donbasın Ukraynanın tərkibində qalmasını dəstəkləyib

Heç kim DXR və LXR-nın müstəqilliyindən danışmır, hər şey Ukrayna qanunvericiliyi çərçivəsində baş verir

Bakı. 14 fevral. REPORT.AZ/ Ukrayna Xarici İşlər Nazirliyinin xüsusi tapşırıqlar üzrə səfiri Dmitri Kuleba bildirib ki, Rusiya "Normandiya dördlüyü"nün Belarusda keçirilən görüşündə ötən ilin sentyabrında əldə olunan Minsk razılaşmalarının həyata keçirilməsinin zəruriliyini təsdiq edib.

"Report" "İnterfax"a istinadən xəbər verir ki, bu barədə Kuleba "İnter" telekanalında yayımlanan "Çernoe zerkalo" verilişinin efirində deyib.

Səfir qeyd edib ki, Minsk razılaşmaları Donetsk və Luqansk vilayətlərinin ayrıca ərazilərinin Ukraynanın tərkibində saxlanılmasına zəmanət verən yoldur.

"Nə muxtariyyət, nə federallaşdırmadan söhbət getmir, heç kim "DXR" və "LXR"nın müstəqilliyindən danışmır, hər şey Ukrayna qanunvericiliyi çərçivəsində baş verir", - deyə Kuleba bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi