Yuxarı
    Bağlamaq

    Ukrayna prezidenti Türkiyənin XİN rəhbəri ilə görüşüb

    Tərəflər ikitərəfli qarşılıqlı fəaliyyət dinamikasının yüksək olduğunu qeyd ediblər

    Bakı. 10 fevral. REPORT.AZ/ Ukrayna prezidenti Pyotr Poroşenko Türkiyənin xarici işlər naziri Mövlud Çavuşoğlu ilə görüşüb.

    "Report" xəbər verir ki, bu barədə Ukrayna prezidentinin mətbuat xidməti məlumat yayıb.

    Bildirilir ki, tərəflər cari ilin yaz aylarında hər iki dövlət başçısının sədrliyi altında keçirilməsi planlaşdırılan Türkiyə-Ukrayna Strateji Şurasının növbəti iclasının gündəliyini müzakirə ediblər.

    "Tərəflər əldə olunmuş razılaşmaların reallaşdırılması kontekstində ikitərəfli qarşılıqlı fəaliyyət dinamikasının yüksək olduğunu qeyd ediblər və bildiriblər ki, bu, strateji tərəfdaşlığın gələcək inkişafı üçün möhkəm bazadır. Görüş zamanı, həmçinin Ukrayna və Türkiyə arasında azad ticarət zonası haqqında sazişin bağlanması üzrə aparılan danışıqlar prosesinin tezliklə başa çatdırılmasının vacibliyi ayrıca qeyd olunub", - deyə məlumatda bildirilir.

    Bundan əlavə, Çavuşoğlu bildirib ki, Türkiyə bundan sonra da Ukraynanın ərazi bütövlüyünü dəstəkləyəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi