Ukrayna iyunda IMF-dən 487 milyon dollar məbləğində növbəti tranş gözləyir

Ukrayna bu ilin iyun ayında Beynəlxalq Valyuta Fondundan (IMF) 487 milyon ABŞ dolları məbləğində növbəti tranş ala bilər.

“Report” “RBK-Ukrayna”ya istinadən xəbər verir ki, bu barədə ölkənin maliyyə naziri Sergey Marçenko Kanadada G7 maliyyə blokunun görüşləri çərçivəsində IMF-in sərəncamçı direktoru Kristalina Georgiyeva ilə danışıqlar zamanı bildirib.

Onun sözlərinə görə, tərəflər Ukraynanın dövlət büdcəsinin daxili gəlirlərinin səfərbər edilməsindəki irəliləyişi, borc dayanıqlılığının qorunmasını, xarici maliyyənin daxilolma tempini, həmçinin Ukraynanın Milli Gəlir Strategiyasının həyata keçirilməsini müzakirə ediblər.