Yuxarı
    Bağlamaq

    ​Ukrayna Donbass üzrə danışıqlar üçün ən yaxşı "Kiyev formatı"nı hesab edir

    Ukraynanın baş nazir qeyd edib ki, Ukraynanın yeganə məqsədi sülhə nail olmaqdır

    Bakı. 5 fevral. REPORT.AZ/ Ukraynanın baş naziri Arsen Yatsenyuk Donbassdakı vəziyyətlə bağlı danışıqlar üçün ən yaxşı "Kiyev formatı"nı hesab edir.

    "Report" xəbər verir ki, bu barədə o, Kiyevdə ABŞ dövlət katibi Con Kerri ilə birgə keçirilən mətbuat konfransında bəyan edib.

    "Bizdə bir neçə format var idi: Cenevrə, Normandiya. Əminəm ki, ən yaxşı Kiyev formatıdır. Burada ABŞ, Avropa İttifaqı (Aİ) - Fransa, Almaniya və Ukrayna bir masa arxasında oturur və vahid, ümumi, güclü və möhkəm mövqe nümayiş etdirir", - deyə Yatsenyuk bildirib.

    Bununla yanaşı o qeyd edib ki, Ukraynanın yeganə məqsədi sülhə nail olmaqdır.

    "Lakin biz öz dəyər və prinsiplərimizə heç zaman arxa çevirməyəcəyik, heç vaxt öz ləyaqət və azadlığımızı satmayacağıq. Biz müstəqilliyimizi, ərazi bütövlüyümüzü və suverenliyimizi pozacaq heç nəyə getməyəcəyik", - deyə baş nazir əlavə edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi