UKMTO: Hörmüz boğazında gəmilərdən biri hücuma məruz qalıb

Hörmüz boğazından keçən bir gəmiyə mərmi atılıb.

"Report" xəbər verir ki, bu barədə Böyük Britaniya Hərbi Dəniz Qüvvələrinin Dəniz Ticarətinin Koordinasiya Mərkəzi (UKMTO) məlumat yayıb.

"Ekipajın vəziyyəti, zərərin qiymətləndirilməsi və ətraf mühitə təsiri hazırda məlum deyil", - məlumatda qeyd olunub və bildirilib ki, hücumdan sonra gəmidə yanğın baş verib.

Əlavə edilib ki, yerli səlahiyyətlilər hadisə yerindədir və ekipaj üzvlərinin təxliyəsinə kömək edirlər: "Səlahiyyətlilər araşdırma apardığı müddətdə gəmilərə keçidi ehtiyatla həyata keçirmək və hər hansı şübhəli fəaliyyət barədə UKMTO-ya məlumat vermək tövsiyə olunur".