Uhanda koronavirusa yoluxanların müalicəsi üçün müvəqqəti xəstəxanalar açılıb

Çinin Uhan şəhərində yeni növ koronavirusa yoluxanların müalicəsi üçün 12 müvəqqəti xəstəxana açılıb.

“Report” “Sinhua” agentliyinə istinadən xəbər verir ki, şəhərdəki bir sıra müəssisələr, o cümlədən gimnaziyalar və sərgi mərkəzləri xəstəxanalara çevrilib.

Agentliyin məlumatına görə, əlavə sahə xəstəxanalarının açılması da planlaşdırılır. Beləliklə, tibb müəssisələrindəki çarpayıların sayı 20,4 minə qədər artacaq.

Xatırladaq ki, yeni növ koronavirus ilk olaraq ötən il dekabrın sonlarında Çinin Uhan şəhərində yayılmağa başlayıb.