Türkiyədə ağır yol qəzası baş verib: 15 ölü, 30 yaralı - FOTO

Bakı. 30 mart. REPORT.AZ/ Türkiyədə ağır yol qəzası baş verib.

"Report" xəbər verir ki, bu barədə "Haber7.com" məlumat yayıb.

Məlumata görə, miqrantları daşıyan 65-EP-701 nömrəli mikroavtobus İğdırda işıq dirəyinə çırpılaraq yanıb. Nəticədə 15 nəfər ölüb, daha 30 nəfər yaralanıb. 

"Anadolu" agentliyi isə qanunsuz miqrantların Pakistan və Əfqanıstan vətəndaşları olduğunu xəbər verib. Məlumata görə, onlar İrandan qanunsuz yolla Türkiyəyə keçib. 

Yaralılar İğdır Dövlət Xəstəxanasına çatdırılıb.