Türkiyədə 138 qanunsuz miqrant saxlanılıb

Türkiyənin İzmir vilayətinin sahilində hava ilə doldurulmuş iki qayıqda olan 138 qanunsuz miqrant saxlanılıb.

“Report” Türkiyə mətbuatına istinadən xəbər verir ki, miqrantların olduğu rezin qayıqlar Sahil Mühafizəsi Xidməti tərəfindən aşkarlanıb.

Miqrantların hamısı Suriya və Fələstin vətəndaşlarıdır.

Qanunsuz miqrantlar müvafiq prosedurdan sonra Miqrasiya Xidmətinin regional idarəsinə aparılıblar.