Türkiyə, Rusiya və Qətər Suriyada separatizmə qarşı birgə mübarizə aparacaq

“Türkiyə, Rusiya və Qətər Suriyada separatizm cəhdlərinə qarşı mübarizə aparmaq məsələsində razılığa gəlib”.

“Report” “CNNTurk”ə istinadən xəbər verir ki, bunu Rusiyanın xarici işlər naziri Sergey Lavrov bildirib.

Martın 11-də Qətərin paytaxtı Dohada Türkiyə-Rusiya-Qətər xarici işlər nazirlərəinin üçtərəfli toplantısı keçirilib.

Türkiyənin xarici işlər naziri Mövlud Çavuşoğlu isə deyib ki, rəsmi Ankara Suriyanın ərazi bütövlüyün müdafiə etməyi, mülki sakinlərin qorumasını və terror qruplaşmaları ilə mübarizəni davam etdirəcək.