Türkiyə parlamentinin sədri İsrail siyasətçilərinə çağırış edib

Türkiyə Böyük Millət Məclisinin (TBMM) sədri Numan Kurtulmuş Qəzzada atəşkəsin əldə olunmasına qarşı çıxan İsrail siyasətçilərinin bundan sonra axacaq qana görə məsuliyyət daşıdıqlarını bildirib.

“Report”un xəbərinə görə, o, “Qəzzada qadın və uşaq olmaq” adlı konfransda çıxışı zamanı deyib ki, müharibə tez-gec bitəcək.

“Bizim bütün səylərimiz isə haqqın yanında olmağa yönəlib”, - N.Kurtulmuş vurğulayıb.

Parlament sədri, həmçinin Ankaranın ədalətli sülh tərəfdarı olduğunu vurğulayıb.

N.Kurtulmuş söyləyib ki, cəmi bir neçə dövlət BMT-nin sülhlə bağlı təklifinə veto qoyur.

Onun sözlərinə görə, bəşəriyyəti daha çətin günlər gözləyir.

Qeyd edək ki, HƏMAS-la İsrail arasında müharibə bu il oktyabrın 7-də başlayıb.