Bakı. 7 oktyabr. REPORT.AZ/ Mərkəzi Amerikada artıq 20-dən çox insan tropik "Neyt" fırtınasının qurbanı olub.
"Report"un məlumatına görə, bu barədə RİA "Novosti" ABŞ-ın Qasırğalar üzrə Milli Mərkəzinə istinadən xəbər verib.
Qeyd olunur ki, fırtına qasırğaya qədər güclənə bilər. Fırtınanın Karib dənizinin şimal-qərb hissəsində gücləndiyi bildirilir. Meksikanın şimal sahilləri təbii hadisə barədə xəbərdar edilib.
Mütəxəssislərin hesablamalarına əsasən, "Neyt" ABŞ-ın Luiziana və Florida sahillərinə yerli vaxtla saat 19:00-da yaxınlaşacaq. Daha əvvəl hər iki ştatda yaxınlaşmaqda olan təbii hadisə ilə bağlı fövqəladə vəziyyət elan edilib.