Tramp Pakistanı terrorçulara sığınacaq verməkdə ittiham edib

Bakı. 22 avqust. REPORT.AZ/ ABŞ prezidenti Donald Tramp Pakistanı terrorçulara sığınacaq verməkdə ittiham edib.

"Report"un məlumatına görə, bu barədə "RİA Novosti" xəbər verib.

"Pakistan tez-tez xaos, zorakılıq və terror agentlərinin sığınacağına çevrilir", - deyə ABŞ lideri bildirib.

Bununla yanaşı Tramp vurğulayıb ki, İslamabadın siyasəti təhlükə təhdid edir. Çünki Pakistan və Hindistan nüvə silahına malik olan dövlətlərdir. Onların gərgin münasibətləri münaqişə dərəcəsinə qədər təhdid edir.

Ağ Ev rəhbəri qeyd edib ki, Pakistan keçmişdə ABŞ-ın dəyərli müttəfiqlərindən olub. Hər iki ölkənin hərbi qulluqçuları ümumi düşmənə qarşı mübarizə aparıblar.