Donald Tramp növbəti prezident seçkilərində iştiraka hazırlaşır

ABŞ-ın sabiq dövlət başçısı Donald Tramp ölkədə 2024-cü ildə keçiriləcək prezident seçkilərində iştirakı barədə qərar qəbul edib.

“Report” xəbər verir ki, o, belə bir açıqlama ilə “Fox News” telekanalının efirində çıxış edib.

Ağ Evin keçmiş başçısı jurnalist sualın bu barədə qərar edib-etməməsi barədə sualına “bəli”, - cavabını verib. Tramp hər hansı təfərrüatları açıqlamayıb.

Qeyd edək ki, daha əvvəl Amerika tarixçiləri sabiq dövlət başçısını ölkənin bütün tarixi ərzində ən pis prezidentlərdən biri adlandırıblar.

Tarixçilər onun mənəvi keyfiyyətlərini və inzibati bacarığını xüsusilə aşağı qiymətləndiriblər.