Bakı. 17 oktyabr. REPORT.AZ/ ABŞ prezidenti Donald Tramp Kolumbiya narkomafiyasına qarşı sanksiyaların müddətini artırıb.
"Report" xəbər verir ki, bu barədə "Gazeta.ru" məlumat yayıb.
"Kolumbiyada toplaşmış iri narkotik ticarətçilərinin hərəkətləri əvvəlki kimi ABŞ-ın milli təhlükəsizliyinə, xarici siyasətə və iqtisadiyyatına qeyri-adi və fövqəladə təhlükə törədir, Birləşmiş Ştatlarda və xaricdə zorakılığın, korrupsiyanın və zərərin ekstremal səviyyəsinə səbəb olur", - deyə Tramp bildirib.
Qeyd edilir ki, sanksiyalar Amerikanın nəzarəti altında olan ərazilərdə şəxslərin və təşkilatların aktivlərinin dondurulmasını nəzərdə tutur, həmçinin ABŞ-ın təşkilatlarına həmin şəxslərlə işgüzar əlaqələrə qadağa qoyur.
Xatırladaq ki, qadağalar hələ 1995-ci ildə qüvvəyə minib.