Bakı. 6 iyun. REPORT.AZ/ ABŞ və Şimali Koreya prezidentləri Donald Tramp və Kim Çen In arasında keçiriləcək sammitə hazırlıq işləri görən KXDR nümayəndələri Sinqapuru tərk ediblər.
“Report” "Kiodo" nəşrinə istinadən xəbər verir ki, qrup Pxenyana uçmaq üçün Pekin beynəlxalq hava limanına gəlib.
Agentliyin məlumatına görə, qarşıdakı görüşün bütün əməli aspektləri bütövlükdə həll olunub.
Tramp və Kim Çen In arasında görüşün iyunun 12-də Sentos adasında yerləşən "Kapella" otelində keçirilməsi planlaşdırılır.