Tramp İranla müharibə ehtimalını istisna etməyib

ABŞ-nin yeni seçilmiş Prezidenti Donald Tramp İranla müharibənin mümkünlüyünü istisna etməyib.

“Report” xəbər verir ki, o, bunu “Time” jurnalına müsahibəsində bildirib.

Tramp Tehranla münaqişənin başlama ehtimalı barədə suala belə cavab verib: "Hər şey mümkündür".

Bununla belə, siyasətçi gələcəkdə İrana qarşı hansı addımların atıla biləcəyini dəqiqləşdirməyib.