Bakı. 18 noyabr. REPORT.AZ/ ABŞ-ın yeni seçilən prezidenti Donald Tramp xarici dövlətin lideri ilə ilk görüşünü keçirib.
"Report" "Reuters"ə istinadən xəbər verir ki, o, Yaponiyanın baş naziri Sindzo Abe ilə Nyu-Yorkda görüşüb.
İnformasiyaya əsasən, görüş haqda əlavə məlumat yayılmayıb.
Xəbərə görə, görüşdən sonra Siondzo Abe deyib ki, ABŞ-ın yeni seçilən prezidenti ilə etibarlı münasibət qura bilərlər: "Uyğun zamanda yenidən görüşəcəyimizlə bağlı razılığa gəldik. Mən əminəm ki, Donald Tramp etibarlı lider olacaq".
Yeri gəlmişkən, prezident seçkisiqabağı kampaniya zamanı Tramp dəfələrlə bildirmişdi ki, Yaponiyanın təhlükəsizliyinə təminat verən ABŞ-ın bu ölkədəki hərbi bazasına Tokio daha çox pul xərcləməlidir.