Tramp ABŞ-də dərmanların 30-80% ucuzlaşacağını elan edib

ABŞ prezidenti Donald Tramp reseptlə satılan dərmanların qiymətini demək olar ki, dərhal 30-80% azaltmağa kömək edəcək sərəncam imzalayacağını açıqlayıb.

“Report” xəbər verir ki, bu barədə o, “Truth” sosial şəbəkəsində məlumat verib.

ABŞ lideri bu sənədi ölkə tarixində ən mühüm icra sərəncamlarından biri adlandırıb.

Onun sözlərinə görə, sənəd mayın 12-də səhər saat 9:00-da imzalanacaq. ABŞ prezidenti sərəncamın təfərrüatlarını açıqlamayıb.

Donald Tramp paylaşımında ​​ABŞ-da dərmanların niyə digər ölkələrlə müqayisədə bir neçə dəfə baha olması ilə bağlı çaşqınlığını ifadə edib.

“Əczaçılıq şirkətləri bunu tədqiqat və inkişaf xərcləri ilə əsaslandırırlar. Bu xərcləri əsassız olaraq amerikalı istehlakçılar öz üzərinə götürür”.