Tokayevlə Tramp arasında telefon danışığı olub

Qazaxıstan Prezidenti Kasım-Jomart Tokayev ABŞ-nin yeni Prezidenti Donald Trampla telefon danışığı zamanı onu Birləşmiş Ştatların növbəti dəfə rəhbəri seçilməsi münasibətilə təbrik edib.

“Report” “Akorda”ya istinadən xəbər verir ki, Tokayev Qazaxıstanın beynəlxalq gündəmdəki ən aktual məsələlərlə bağlı mövqeyini açıqlayıb.

Tərəflər ticarət, investisiya və nüvə silahının yayılmaması sahələrində strateji tərəfdaşlığa qarşılıqlı sadiq qaldıqlarını vurğulayıblar.

Qeyd olunur ki, Tokayev və Tramp ikitərəfli əməkdaşlığın yüksək dinamikasını saxlamaq üçün müntəzəm təmaslar barədə razılığa gəliblər.