Bakı. 29 avqust. REPORT.AZ/ ABŞ-ın "Harvi" qasırğası səbəbindən güclü daşqınların davam etdiyi Texas ştatının Brazoria dairəsində bənd yarılıb.
"Report" xəbər verir ki, bu barədə yerli dairə hakimiyyətinin "Twitter" hesabında məlumat yerləşdirilib.
"Kolumbiya gölündəki bənd dağılıb. Oradan uzaqlaşın!", - deyə məlumatda bildirilir.
Mümkün subasma zonasında məhz nə qədər insanın olduğu qeyd olunmur.
Eyni zamanda Hyuston şəhərinin qərb mərkəzinin 30,5 km-də yerləşən süni su anbarı da dolub.