Təl-Əvivdə avtomobil piyadaları vurub

Bakı. 22 may. REPORT.AZ/ Təl-Əvivdə avtomobilin piyadaların üzərinə getməsi nəticəsində azı beş nəfər xəsarət alıb.

"Report" RİA "Novosti"yə istinadən xəbər verir ki, bu barədə məlumat verən yerli telekanallar terror aktının olmasını istisna etmirlər.

Onların məlumatına görə, sürücünün avtomobili piyadaların üzərinə sürdüyü insident paytaxtın Yaffo küçəsində baş verib.

Hadisə ABŞ prezidenti Donald Trampın İsrailə gözlənilən səfərindən bir saat qabaq baş verib.