Tatarıstanda kütləvi zəhərlənmə olub

Tatarıstanda metil spirtindən 14 nəfər zəhərlənib.

"Report" xəbər verir ki, bu barədə Tatarıstanın Səhiyyə Nazirliyi məlumat yayıb.

Zəhərlənənlər Kazanda xəstəxanaya yerləşdirilib. Onlardan üçü reanimasiya şöbəsindədir. Zərərçəkənlərin biri komadadır.

Faktla bağlı İstintaq Komitəsi cinayət işi açıb.

Polis saxta spirtli içki satmaqda şübhəli bilinən 4 nəfəri saxlayıb.