“Taliblər” Kabil sakinlərindən silah-sursatları təhvil verməyi tələb ediblər

Avqustun 15-də Əfqanıstanda hakimiyyəti ələ keçirmiş radikal "Taliban" hərəkatı paytaxt Kabilin sakinlərinə silah-sursatları, həmçinin dövlətə aid olan avtomobilləri bir həftə ərzində təhvil verməklə bağlı xəbərdarlıq edib.

“Report” xəbər verir ki, bu barədə 1TV telekanalı bildirib.

Məlumata görə, döyüşçülər sakinləri silahları könüllü vermək tələblərinin rədd edildiyi təqdirdə ciddi tədbirlərin görüləcəyi ilə bağlı hədələyiblər. “Taliblər” bunun zəruri olduğunu bildiriblər.

Qeyd edək ki, “Reuters” agentliyi də bir neçə gün əvvəl “taliblər”in analoji tələbləri haqqında bildirib.