“Taliban” silahlıları Əfqanıstanda 18 əsgər və polis öldürdü

Əfqanıstanın Kunduz əyalətində radikal “Taliban” hərəkatı silahlıları ilə döyüşlərdə Əfqanıstanın güc strukturlarının azı 18 əməkdaşı öldürülüb.

“Report” TASS-a istinadən xəbər verir ki, taliblərin nəzarət-keçid məntəqələrinə hücumları nəticəsində 15 əsgər və 3 polis ölüb.

Həmçinin səhər saatlarında əyalətin şimalında Tacikistanla sərhəd yaxınlığında yerləşən İmam Sahib mahalından 10 əsgər qaçırılıb.

Daha əvvəl “Taliban” nümayəndəsi “zorakılığın azalması” dövrünün bitdiyini və Əfqanıstanın hökumət qüvvələrinə qarşı hərbi əməliyyatların yenidən başlandığını elan etmişdi.