“Taliban” insanlara təzyiq göstərilməsi barədə məlumatları təkzib edib

Əfqanıstanda hakimiyyəti ələ keçirmiş “Taliban” qruplaşması insanlara təzyiq və zorakılıq edilməsi barədə deyilənləri təkzib edib.

“Report” xəbər verir ki, bu barədə “Sky News”a müsahibə verən “Taliban” nümayəndəsi Soheyl Şahin danışıb.

S.Şahin yayılmış videogörüntü və xəbərləri “feyk” adlandırıb.

“Bütün bunlar feyk xəbərlərdir. Mən sizi əmin edə bilərəm ki, bu barədə düşmənlərimiz tərəfindən təsdiqlənən yayılmış bütün məlumatların heç bir əsası yoxdur. Bunlar reallıqdan uzaqdır”, - o bildirib.