"Taliban" hökumətin hərbi helikopterini vurduğunu açıqlayıb

“Taliban” qruplaşması Gilmend əyalətinin səmasında Əfqanıstan Hərbi Hava Qüvvələrinə məxsus helikopteri vurduqlarını açıqlayıb.

“Report” xəbər verir ki, bunu qruplaşmanın nümayəndəsi Zabiullah Mücahid tviter səhifəsində yazıb.

“Gilmend əyalətinin Nad-e Əli rayonunun mərkəzinin yaxınlığında hərəkat üzvləri düşmənin hərbi helikopterini vurublar. Nad-e Əli rayonunun mərkəzi və polis rəisi də ələ keçirilib”, - o bildirib.

KİV-in məlumataına görə, Əfqanıstan Hərbi Hava Qüvvələrinin helikopteri “Taliban”a qarşı əməliyyatların gedişində texniki səbəbdən qəza enişi edib. Hadisə nəticəsində heç kim xəsarət almayıb. Hərbçilər göyərtədəkiləri təxliyə edib. Sonra isə helikopteri məhv ediblər.