Tailand Kamboca ilə sərhəddə mübahisəli zirvəni nəzarətə götürüb

Tailand Silahlı Qüvvələri Kamboca ilə sərhəddə mübahisəli ərazi olan Phu Ma Kua zirvəsinə tam nəzarəti ələ keçirib.

Bu barədə “Report” Tailandın “The Nation” nəşrinə istinadən xəbər verib.

Tailand Kral Ordusu (RTATrend) sosial şəbəkələrdə bildirib ki, Kamboca qoşunlarının ərazini geri almaq cəhdi dəf edilib. Davam edən hücumlara baxmayaraq, Tailand qüvvələri mövqelərini qoruyub saxlayıblar.

Səhər saatlarında ordu Phu Ma Kuada vəziyyətin tam sabitləşdiyini bildirib.

"Biz heç kimə ərazimizə müdaxilə etməyə imkan verməyəcəyik", - bəyanatda deyilir.