Tacikistanın baş müftisi hücum zamanı yaralanıb

Tacikistan Üləmalar Şurasının sədri Saidmukarram Abdulkodirzoda Düşənbənin mərkəzi məscidi yaxınlığında bıçaqlanıb.

“Report”un məlumatına görə, bu barədə Tacikistan Daxili İşlər Nazirliyinin mətbuat mərkəzi məlumat yayıb.

“Bu gün saat 17:20-də radələrində (Bakı vaxtı ilə 16:20) Düşənbə şəhərinin mərkəzi məscidi yaxınlığında namazdan sonra bir nəfər Tacikistan Üləmalar Şurasının sədri Saidmukarram Abdulkodirzodaya kəsici-deşici alətlə xəsarət yetirib... Nəticədə o, yüngül xəsarət alıb və həkimlər tərəfindən müayinə olunduqdan sonra yaşadığı ünvana göndərilib”, - məlumatda deyilir.

DİN-dən qeyd olunub ki, hücum edən şəxs artıq saxlanılıb.