​İndoneziyada sürüşmə nəticəsində ölənlərin sayı 24 nəfərə çatıb

Bakı. 14 dekabr. REPORT.AZ/ İndoneziyada torpaq sürüşməsi nəticəsində ölənlərin sayı 24 nəfərə çatıb.

"Report" xəbər verir ki, itkin düşənlərin axtarışında polis əməkdaşları, hərbçilər və könüllülər iştirak edirlər.

Bundan əlavə, Yava adasındakı Bancaneqra əyalətindən yüzlərlə insan təxliyə edilib.

Məlumata görə, ən azı 84 nəfər itkin düşüb və yaxınlıqdakı ərazilərdən 577 nəfər müvəqqəti sığınacaqlara yerləşdirilib.