Yuxarı

Suriyanın terrorçuların işğalı altında olan şəhərlərində aclıqdan 17 uşaq ölüb

Mülki vətəndaşlar hətta adi xəstəliklərdən, dərman çatışmazlığından ölürlər

Bakı. 4 sentyabr. REPORT.AZ/ "Suriyanın İdlib vilayətinin Fua və Kefrayə şəhərlərinin sakinləri qidadan tam məhrum olublar. Aclıqdan 17 uşaq ölüb".

"Report" "RİA Novosti"yə istinadən xəbər verir ki, bu barədə həmin şəhərlərin yeni xalq şurasının nümayəndəsi xəbər verib.

"Son aylar yemək və su çatışmazlığı hiss olunur. Dərman ümumiyyətlə yoxdur" – deyə hökumət üzvü agentliyə bildirib. 

Məlumatlara görə, həmin şəhərlər hər gün bombardmanlara məruz qalırlar. Sutka ərzində yaşayış məntəqələrinə 1000-dən çox raket və minaatan mərmisi düşür.

İdlib vilayətinin bu şəhərləri 3 ildən çoxdur tam blokadadırlar. Sakinlərə yardımlar yalnız hava yolu ilə çatdırılır.

Mülki vətəndaşlar hətta adi xəstəliklərdən, dərman çatışmazlığından ölürlər. Sakinlər aclıq çəkir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi