Bakı. 17 aprel. REPORT.AZ/ Suriyanın Homs vilayətindəki Şayrat hərbi bazasına raket zərbələrini İsrailin Hərbi Hava Qüvvələri endirib.
"Report" TASS-a istinadən xəbər verir ki, bu barədə "Al Masdar" portalı məlumat yayıb.
Portalın məlumatına görə, zərbələr yerli vaxtla saat 01:10-da endirilib.
Qeyd edək ki, daha əvvəl SANA agentliyi də hərbi bazaya raket zərbələrinin endirildiyini, lakin Suriyanın Hava Hücumundan Müdafiə Qüvvələrinin raketləri vurduğunu xəbər verib.