​Suriyanın ədliyyə naziri qaçırılıb

Bakı. 10 iyun. REPORT.AZ/ Suriyanın ədliyyə naziri Nəcm əl-Əhməd qaçırılıb. "Report"un Türkiyə KİV-inə istinadən verdiyi məlumata görə, bu barədə Suriyada Bəşşar Əsəd rejiminə silahlı müqavimət göstərən "Ceyşul İslam" qruplaşması açıqlama yayıb.

Məlumatda bildirilir ki, "Ceyşul İslam" qruplaşması naziri Suriyanın paytaxtı Dəməşq şəhərinin mərkəzində keçirdiyi gizli əməliyyatla qaçırmağa müvəffəq olub.

Qeyd edək ki, "Ceyşul İslam" müxalif silahlı qruplaşmasına Zahran Alluş rəhbərlik edir.